Katrín Elvarsdóttir fór fyrst til Kína árið 2010 í því skyni að ættleiða dóttur sína. Litirnir í umhverfinu og áferð hlutanna hreif hana en það var ekki fyrr en hún fór þangað aftur tveimur árum síðar sem hún hóf að taka ljósmyndir af því sem hún sá. Á göngu um Beijing varð henni starsýnt á hrúgu af múrsteinum og dóttir hennar hvatti hana til að láta sýnina ekki standa eftir sem minningu heldur ljósmynda hana.

Eftir því sem ferðunum til Kína fjölgaði tók ljósmyndaröðin Margföld hamingja – Double Happiness smám saman að mótast. Myndirnar sýna borgarlandslag þar sem náttúran smýgur hvarvetna saman við byggðina, skúlptúra sem orðið hafa til úr hversdagslegum fyrirbærum, völundarhús rökkursins og gamalt fólk. Ljóðrænt og kyrrlátt andrúmsloft myndanna er á vissan hátt í mótsögn við titilinn sjálfan sem dreginn er af tákni sem víða má sjá framan við kínverska skemmti- og veitingastaði og táknar kátínu og fjör. Um leið segir titillinn sögu af persónulegri, tilfinningalegri og fagurfræðilegri upplifun ljósmyndarans af Kína. Umhverfið og landið hafa alið af sér „margfalda hamingju“.

Texti á ensku

Stærð: 165×240 mm

84 bls.

Gefin út 2016

Tónlist / bækur

Pöntun þín