Kristinn E. Hrafnsson

5,700 kr

Lýsing

Bókin um verk og feril Kristins E. Hrafnssonar kynnir til sögunnar einn áhrifamesta en jafnframt hljóðlátasta listamann samtímans. Á um 25 ára ferli hefur Kristinn tekið virkan þátt í að móta umhverfi borgar og sveitar með ísmeygilegum, ljóðrænum, húmorískum og heimspekilegum spurningum um stað og tíma. Verk hans eru áminning um að hvorki klukkan né jörðin undir fótum okkar eru sjálfsagðir hlutir. Þau eru þátttakendur í daglegu lífi þúsunda manna og kvenna. Sem slík spyrja þau daglega í sífellu. Spurninga um hvernig við finnum okkur stað í heiminum, hvernig við náum áttum.

Kristinn E. Hrafnsson er sá núlifandi listamaður sem flestir Íslendingar hafa komist í kynni við. Þótt nafn hans hringi ekki bjöllum eru yfirgnæfandi líkur á að sá sem þetta les hafi ekki aðeins séð verk hans, heldur einnig stigið á þau, komið við þau, jafnvel ekið á þeim. Verk Kristins er að finna fyrir framan verslun IKEA í Garðabæ, á bílastæðum Kringlunnar, á Laugaveginum, í Austurstræti, í Aðalstræti, við Ægissíðu, við Háskólann á Akureyri, á Hólum í Hjaltadal, í Skálholti, Laugardal í Reykjavík, Mosfellsbæ, Ólafsfirði auk fjölda annara staða og bygginga um allan heim. Allir þekkja þau. Nú er hægt að að kynnast þeim betur.

Texti: Gunnar J. Árnason 
Hönnun:  Snæfríð Þorsteins og Hildigunnur Gunnarsdóttir
192 bls. 
240 x 300 mm 
Gefin út 2009

Stærðir

Size & fit - Stærðartafla

Umhirða

Details & care

Afhending

Halda áfram að versla
Pöntun þín

Engar vörur eru í körfunni