Frí heimsending ef verslað er fyrir 15.000 kr eða meira.

Jóel Pálsson og Eyþór Gunnarsson: SKUGGSJÁ

2.800 kr

Lýsing

"Það verður varla sagt að 'saxófónn og píanó' sé týpísk hljóðfæraskipan nema ef vera skyldi þegar um gegnumsamda rómantíska kammertónlist er að ræða.  Við slíkar aðstæður stendur maður sig oftar en ekki að því að hugsa sem svo að nú sé einhver klassíkerinn að rembast við að hefja saxófóninn upp úr þeirri forarvilpu sem hefur fóstrað þennan kóníska bastarð blásarafjölskyldunnar alla tuttugustu öldina og heitir jazz."

Lögin á plötunni eru "týpísk íslensk dægurlög frá síðustu fjörutíu árum eða svo.  Og hvernig skyldu þau hafa verið valin?  Eftir því sem næst verður komist var aðferðin sú að spila yfir fjölda laga og þau sem stóðust þá eldraun að vera berháttuð af mistýpískum frumútsetningum sínum náðu áfram í aðra umferð.  Þar tók síðan við rannsókn á því hvort flytjerndurnir kynnu í raun lögin eða hvort þeir væru einungis með líklegustu laglínurnar í kollinum.  Að lokum var síðan leitað að ákjósanlegasta búningnum fyrir hvert lag.  Þessi flókni prósess þýðir að skoða þurfti sum lögin allt að þrisvar sinnum sem er miklu meira en mörg allsber popplög þola."    - Pétur Grétarsson

Lögin eru: Sveitin milli sanda - Söngurinn um Dimmalimm - Hættu að gráta hringaná - Svefn-g-englar - Leyndarmál - Vísur Vatnsenda-Rósu - Venus as a Boy - Samferða - Stál og hnífur - Þú og ég - Spiladósalagið - Tvær stjörnur

Jóel Pálsson:  Tenór- og sópransaxófónar, kontrabassaklarinett

Eyþór Gunnarsson:  Píanó

Upptökur fóru fram 2002 og 2004.
Upphaflega gefið út 2004.
Endurútgefið 2013 með breyttu umslagi.

 

Afhending

Halda áfram að versla
Pöntun þín

Engar vörur eru í körfunni